Роверот Curiosity на НАСА одбележа 5.000 марсовски денови, односно солови, со впечатлива панорама од областа околу планината Шарп во кратерот Гејл.
Првата снимка е направена на 30 август 2026 година во 9:56 часот по локално време на Марс, токму на 5.000-тиот сол. Втората е снимена на 2 септември во 17:39 часот, за време на 5.003-тиот сол.
Навигациските камери на роверот вообичаено создаваат црно-бели фотографии. По испраќањето на Земјата, утринската и попладневната панорама биле споени во една сцена, а боите биле додадени како уметничка интерпретација: сината го претставува утрото, а жолтата попладнето.
Во преден план се гледаат делови од самиот ровер, меѓу кои цилиндричната UHF-антена за комуникација со орбитерите и радиоизотопскиот термоелектричен генератор, кој му обезбедува нуклеарна енергија. На теренот се забележуваат и трагите што Curiosity ги оставил зад себе.
Роверот моментално ги истражува пониските падини на планината Шарп, висока околу пет километри и сместена во кратерот Гејл. Панорамата гледа надолу кон дното на кратерот, додека неговиот далечен раб едвај се забележува на хоризонтот.
Мисијата ја изработи Лабораторијата за реактивен погон на НАСА, со која управува Калтек, а операциите се спроведуваат во рамките на програмата на НАСА за истражување на Марс.
